A compañeira Marisa Vidal Collazo participou o pasado 13 de novembro de 2021, no VII Foro Cristiano de Zaragoza adicado á Revolta das Mulleres na Igrexa. Toda as ponencias e recursos do encontro están recollidos aquí na páxina web adicada específicamente a esta cuestión. Recomendámosvos encarecidamente entrar na web con tempo para ir debullando con calma as ponencias de Mª Andrea González Benassini e de Marisa Vidal Collazo entorno ás raíces da Revolta de Mulleres na Igrexa.

Un día chegou a nova, pero non fomos capaces de imaxinar o imparto que había de ter realmente. Elvira Santos Pena (no medio da foto, cun chaleque branco) foi a compañeira que se achegou dende Galicia a recoller o premio no noso nome dentro do grupo de mulleres que representaban a Revolta das mulleres na Igrexa a nivel estatal. Tal e como nos conta no artigo publicado na revista Irimia (irimia.gal): "A revista ALANDAR de información social e relixiosa, que xa ten unha vida longa (desde 1983), concede cada ano o Premio Alandar a un colectivo que realice unha acción relevante e transformadora, na construcción dun mundo máis xusto e igualitario. Este ano foi a “REVOLTA DAS MULLERES NA IGREXA” o colectivo premiado" . Recuperado de: Irimia | A revolta das mulleres na igrexa, premio “Alandar 2021”

Para máis información, podes consulta a crónica que a propia revista Alandar recolleu na súa páxina web (www.alandar.org). Pola nosa parte, quixemos recoller o fragmento da acta do xurado no que detallan as razóns que impulsaron este recoñecemento:

«Acórdase conceder o Premio Alandar 2021 á Revolta de Mulleres na Igrexa, por xerar un dos movementos eclesiais máis importantes dos últimos anos en España, creando espazos de coordinación e acción conxunta con movementos similares en Europa, América Latina e América do Norte e axuntando as vontades e carismas de grupos de mulleres crentes verdadeiramente diversos (teólogas, membros de movementos eclesiais, de comunidades de base e de grupos parroquiais, entre moitos outros) para reivindicar o papel que debe xogar e o espazo que debe ocupar a muller dentro da Iglesia, superando concepcións patriarcais e clericalistas. Máis aló da reivindicación feminista, a Revolta é un movemento profético que apunta cara á utopía doutra Igrexa posible e necesaria. Unha Igrexa menos xerarquizada e máis Pobo de Deus, máis horizontal e menos vertical. Unha Igrexa verdadeiramente sinodal, na liña da recente convocatoria realizada polo papa Francisco a toda a Igrexa a un sínodo global para reflexionar sobre esta cuestión»

Podedes consultar a crónica do evento que fixo Alandar (pinchando aquí) e tamén a que publicaron no seu blog Mujeres y Teología de Zaragoza (pinchando aquí).

Empezamos coa presentación de grupos que foron 15: Galicia (as compañeiras Bea Estévez, Marisa Vidal, Lucía Santiago e Clara Baliñas), Cantabria, Bilbao, Vitoria, Logroño, Zaragoza, Barcelona, Valencia, Madrid, Granada, Badaxoz, Sevilla, Córdoba e Las Palmas de Gran Canaria, xunto con Feminista y Cristiana e mesmo asistiu a presidenta estatal do MOCEOP, mulleres de HOAC, de parroquias, de grupos non específicamente feministas, pero unidas na causa doutra igrexa posible. Foi un cargar pilas maiúsculo. Cada grupo, pequeno ou grande, era recibido con ovacións e vítores de todas. Planeaba no aire, claro, o recentemente recollido premio Alandar, un respaldo importante para a nosa causa.

Tivemos recordo para as que nos precederon, as mulleres que nos anos 90 e 2000 nos organizamos no estado. Estiveron moi presentes os encontros de Mulleres e Teoloxía (alí estaba Mercedes López Herrera, a sevillana, memoria viva desa etapa), as Mulleres en l’Esglesia per la paritat (o nome de Mari Pau invocouse varias veces), Pepa Torres (que non puido vir pero mandou un vídeo)... Participaron moitas mulleres novas, como vedes na foto, o que da pé a pensar que hai futuro.

O encontro pensábase para poñer en contacto a todos os grupos da revolta, para que souberamos de nós e nos cargáramos pilas mutuamente, e tamén para presentar o Sínodo das Mulleres no seu calendario e eixos temáticos. O Sínodo e os traballos da CWC íano presentar Mónica Díaz e Tere Casillas, que están a participar no grupo de CWC de fala hispana, e os eixos temáticos correrían a cargo de Pepa Moleón (situación da muller na Igrexa) Barcelona (Estrutura, transparencia e rendición de contas), Pepa Torres (Poder e participación), Silvia Martínez Cano (Resistencia e esperanza) e nós as Mulleres Cristiás Galegas (Muller e liturxia). Logo organizaríanse grupos que traballarían cada tema cunhas preguntas que íamos lanzar en cada intevención. O caso foi que cando Mónica e Tere fixeron a súa presentación, xurdiron tantas dúbidas nas presentes e era xa tan tarde (hora de xantar) que a presentación dos eixos temáticos quedou adiada. So proxectamos o vídeo de Pepa Torres sobre Poder e participación e falou Silvia sobre Resistencia e esperanza. (viñera á reunión non como representante de grupo senón para falar dese tema e non nos pareceu ben que non interviñera).

Traballamos os seguintes aspectos en pequenos grupos:

Grupo 1- Accións e data para a celebración do próximo 8M.

Grupo 2- A enquisa do sínodo. Como traballala, compartila e recollela. Como facer que chegue a todas as mulleres.

Grupo 3- Trazar redes estando en conexión para comunicarmonos os traballos de todos os grupos do sínodo na revolta

Grupo 4- Financiamento. Estratexias para financiar e favorecer a participación das mulleres de fala hispana no sínodo.

Grupo 5- Proposta de accións para facernos eco do sínodo en cada lugar. Propoñer accións que poñan de manifesto a nosa sintonía co Sínodo de mulleres.

Grupo 6- Como montar obradoiros sobre os diferentes temas do sínodo nos nosos grupos de orixe.