Mulleres Cristiás Galegas - EXERIA é unha asociación non mixta que nace no ano 1996 xuntando a mulleres de distintos puntos do país (principalmente das provincias de Pontevedra e A Coruña) que loitan transversalmente en tres eidos. Confórmana un conxunto de persoas que se saben mulleres que procuran medrar feministas conscientes de que é unha loita para toda a vida, tanto dentro como fóra da Igrexa. Tamén son cristiás que artellan e viven unha nova espiritualidade dende o rostro feminino de Deus preto dende a perspectiva das Teoloxías Feministas. Está asociación tamén se caracteriza pola asunción da cultura e lingua galega coas súas implicacións tanto sociais, coma políticas e económicas.

O conxunto de socias que definimos Mulleres Cristiás Galegas - EXERIA organizamos e participamos de distintos obradoiros, talleres e loitas acompañándonos as unhas as outras e convidando a distintas persoas. Tecemos así unha rede de diálogo e colaboración con outras organizacións, asociacións e mesmo individuos que traspasa fronteiras políticas.

2020, Praza Exeria

2019, "Entranas de misericordia"

2018, "Queremos unha Nuncia"

2017, Ordenación das mulleres

2017, Carta ao arcebispo pola ordenación das mulleres

2016, 20 aniversario de Mulleres Cristiás Galegas - Exeria

2015, Documento "Aborto como interrupción voluntaria do embarazo"

Entrevista radio Cuac FM 27/out/2015. A partir do min 20.

2011, Mulleres na Igrexa